SKAUT / Storhelg
Under arrangementet Storhelg 2021 synte me danseframsyninga SKAUT av FRIKAR.
Kva kan ei kvinne vera? Er det noko i dag ho ikkje kan eller bør vera? Finst det noko kvinneleg og mandig i dansen og kva skjer med kjønnsrollene i den norske folkedansen når kvinna får spela begge rollar og ta dei heftigaste “karstykka”?
I Noreg har skautet blitt brukt til å både kontrollere og søkje fridom. Kan norske kleds- og bevegelsestradisjonar gje nytt perspektiv til dagens bruk av hijab?
I SKAUT fokuserer koreograf Hallgrim Hansegård og fem medskapande dansarar på tematikken rundt tildekking, avdekking og kontroll av kropp. Kvinnene både strammar og sler ut håret gjennom bunden samtidsdans og fri folkedans.