Tony Tran / Brotherly
Tony Tran er ein norsk-vietnamesisk koreograf og dansar med base i Oslo. Han har studert ved Kunsthøgskolen i Oslo og Skolen for Moderne Dans i København. Arbeida hans som koreograf er presentert i inn- og utland, mellom anna i Sverige (Dansens Hus Stockholm), Grønland (Nuuk Nordic Festival), Italia (Operaestate Festival Veneto) og Sør-Korea (Seoul International Dance Festival).
Under opphaldet på Sprang skal han arbeide med framsyninga Brotherly, som skal ha urpremiere på Bærum kulturhus i januar 2022.
OM BROTHERLY
«Grupperingar der samhaldet er basert på streben etter ein ofte problematisk større heilskap er på frammarsj i samfunnet igjen. «Brotherly», eit koreografisk verk for tre ulike dansarar, vender blikket mot menneska i slike grupper, mot kroppar som er fastbunde av prinsipp men samstundes villige deltakarar i si begrensing.
Med utgangspunkt i tradisjonelle former for irsk dans utforskar verket den kontrollerte fysikaliteten i Riverdance – dansarar på ei linje, med armar strake og rigide langs overkroppen, og eit tydeleg rytmisk fotarbeid; i utgangspunktet ei revitalisering av irsk kultur på 1900-talet i respons til Storbritannia si kolonialisme, som vidare utviklet seg til Riverdance slik det er kjent idag.
I trioen «Brotherly» blir irsk steppdans vendt inn i samtidsdansen, til ein kvilelaus heilskap der tre kroppar er bunde av ein tveegga dynamikk – ei gradvis avkleding av mennesket sitt indre i møte med motgang, men også det livgjevande og leikande i felleskap.»
MEDVERKANDE
Koreograf: Tony Tran
Utøvarar: Dina Moen, Trine Lise Moe, Benjamin Windborg Larsen
Utvikla i samarbeid med: Oran Leong, Dina Moen, Trine Lise Moe, Benjamin Windborg Larsen
Dramaturg: Thomas Schaupp
Komponist: Morgan Hickinbotham
Lysdesign: Yasin Gyltepe
Kostyme: Shiva Sherveh
Ytre auge: Espen Reinertsen
Coach i irsk stepp dans: Benjamin Windborg Larsen og Gyula Glaser
Kostymerådgjevar: Lydia Sonderegger
Co-produksjonar: Bærum Kulturhus, Sprang
Støtta av: Kulturrådet, Fond for lyd og bilde, Fond for utøvende kunstnere, Viken Fylkeskommune, Oslo Kommune, Fredrikstad Kommune, SPENN
Takk til: Annika Ostwald, Hanne Frostad Håkonsen, Roza Moshtaghi og Nan Van Houte