SVIV

Margit Myhr er skodespelar, dansar og songar frå Ål, og ein av våre fremste formidlarar av scenisk folkekunst. I denne forestillinga tar ho utgangspunkt i “sviveturen”, den mest minimalistiske og suggererande delen av folkedansen vår. Sviving er eit verkemiddel ein finn att i ulike former i nær sagt alle danseuttrykk verda over, frå klassisk ballett til sufidans og då ikkje minst i folkedansen. Kva er det som gjer at vi trekkast mot desse sirkulære rørslene? SVIV er ei unik visuell oppleving der dans, kostyme, videokunst og musikk går saman i ein samhandlande heilskap.